احترنا معاك يا دنيا
ومش عارفين
انت اللى معاندة
والا احنا اللى معاندين
فيك الحقيقة ثوانى
والوهم معاك سنين
ومش حاسييين
جينا ف دنيا من عدم
لانعرف كون ولا انسان
من بس فيها ما اتظلم
ولا تاه مع النسيان
عشنا في دوامة القدر
تحت رحمة الاشجان
بنجري فيها وبنعافر
رايحين لدنية التوهان
اولها ضمة طفل بيبكى
واخرها ضمة الاكفان
مع الاشجان
داحال الدنيا يفرقنا
عن كل غالى عرفناه
اللى يعرفها ويحفظها
مايسأل فيها بقولة آه
دنيا غرورة ومكاره
تتوهك وتقول دا تاه
تصرخ وتعمل بريئه
وتصدقها يا ولداه
أولها وآخرها حيره
اللى يعاندها تجرى وراه