حياتي اليوم صحيفة إلكترونية يومية
المتابع لحركة السياحة أو التواجد في أماكن جاذبة سيجد أن 95% ممن يأتون لمصر هم فئة ثالثة أو رابعة من الجنسيات القادمة وتذكرة طيران كمان ذهاب وعودة ب 900 دولار !
والبيه المحترم المسئول عن السياحة في بلدنا سابب نفس الأماكن بتعامل المصريين على أنهم مليونيرات !
يعنى معناها أية أنى ابقي موجود في مكان نسبة أشغاله من الأجانب 95% و5% مصريين ويحاسب الأستاذ اللي جاى يعيش ببلاش على غرفة Full Board ب 18 دولار في اليوم ويحاسبني أنا المصري ابن البلد ب 120 دولار في اليوم !
لو فكروا ببساطة أن يعطوا نفس التسهيلات والأسعار للمصريين لن يحتاجوا لأحد.
وأتعجب من المبالغة الشديدة في تصريحات رجال السياحة في مصر نتيجة تعليق الطيران الروسي والبريطاني والفرنسي إلى مصر و إشعارنا بكارثة ومصيبة كبرى عشان سياح مفلسين أصلا رغم وجود الحلول!
وللمصداقية المكان محور حديثي خمس نجوم ومن أشهر الأماكن السياحية في الغردقة وشرم الشيخ، واقسم بالله أن هؤلاء يشتروا السجائر "الكليوباترا" عشان بدولار يعنى ب8 جنيهات واكبر تبس دفعوه قدامى كان جنية واحد !
ياريت اللي يمسك السياحة يكون من أصحاب العقول!
وهناك العديد من الأزمات الأخرى ارتفاع في الأسعار، زحام في المرور، ندرة في الدواء، تردى في العلاج، والمواطن ينظر حوله وخلفه، مشغول البال، يبحث عن مخرج بلا طائل.
المشاكل كثيرة ومتراكمة ويلزم لحلها توافر المناخ المناسب ويكون التفكير غير عادى ويسابق الزمن..وللأسف الحكومة تدير البلد بسياسة "يوم بيوم" وأهي ماشيه وخلاص بالبركة.
