حياتي اليوم صحيفة إلكترونية يومية
—
المنتزة فيها مكان بعيد أوي بعد ما تخلص الكوبري وتعدي السور
لو ماشي بكاميرتك عندها الأمن حيوقفك،
في هناك صخرة عاليا اوى لو وقفت عليها حتحس إنك مالك الدنيا
وإنك شايف آخر البحر
المكان ده انا وصحابي بنسميه أخر الدنيا،
البحر هناك عارف كل حاجة
حافظ ملامح الناس وسامع صوت سكاتهم
شافهم وهما بيضحكوا وهما بيزعلوا
وزيه بردوا مكان في بحرى
وسط المراكب والصيادين
وسط كوبايات الشاي وسندويتشات الفول وأصوات الدراويش
عالم موازي بمفاتيح وابواب،
حراس أبوابه بتاع الترمس وبتاع الشاي،
مرة قريت ان المرأة الحالمة هى أصعب أنواع النساء
وإن بدت أبسطتهم فهى تحن دوماً للسماء
وإن بدى لك أنها تحيا على الأرض ..!
