كبسولات مهدئة (خاصمت الشوارع)…تكتبها رشا صيرة

—

خاصمت الشوارع اللى مشينا فيها علشان يهدى بالى وأرتاح من الآلام ….
ما بسمعش الأغانى ولابيشغولنى المشاعر دى ولا عندى أهتمام …
ورغم كل ده مفتقدك بشده !
ده جزء من أغنية كلامتها وجعتنى وخلتنى أفتكر قد أية أحنا لما بنحب حد بنحب معاه كل حاجه بتربطنا بيه …الأماكن والشوارع والأغانى وحتى الأكل اللى بناكله معاه حتى ريحته اللى بنشمها وهو جاى علينا …
وحتى الناس اللى كنا بنحب تقعد معاهم علشان هو بيحبهم …
بس لما بنفقده بنبقى فعلا عاوزين نخاصم كل حاجه كانت بتفكرنا بيه وبنبعد عنها علشان ما نتوجعش !
بس قلوبنا بتفضل شايله كل التفاصيل …مش بتقدر تنسى حاجه ومفيش حاجه بتمر منها بسهولة …وبيوحشونا بسرعة ….!