حياتي اليوم صحيفة إلكترونية يومية
—
بقلم: ريم خيري شلبي
داير يتمتم فى الدروب باللى جرى واللى حصل
داير بيحكى قصته مع انه كان بياع بصل
ومكنش فاهم فى الحكاية
لانها كانت غواية
يزرع بصل يحصد بصل ياكل بصل
تجرى دموعنا فى البحور
ندعى عليه هو السبب جاب البصل
والام تبكى يسألوها ؟
دى دموع بصل
والبنت تبكى يسألوها؟
دى دموع بصل
ملعون ابوه قصدى البصل
لسه بيستحلى دموعنا
وصاحبه غاوى رغم جوعنا
يزرع بصل يحصد بصل ويبيع بصل
ويدور يتمتم فى الدروب باللى جرى واللى حصل
