د. شيريهان الدسوقي تكتب: لازم تتعلم صح

عدد المشاهدات = 6792

في ناس بـ ١٠٠ وش و بتهتم جدا بشكلها الخارجي بس وساعات كتير بتوصل بسرعة.
وفي ناس طلعتها خطوة بخطوة بكل تفاصيلها المرة قبل الحلوة.
تريح و تكمل…..تقع و تكمل…..تحبط و تكمل،
وفي الأخر الاثنين وصلوا، بس العبرة في النهاية، دول شافوا كتير ودول شافوا نفسهم.
انا ما بقولش مين أحسن من مين !
بس بقولك الصح لآن الرحلتين مختلفتين أكيد.
هقولك نصيحة من القلب لو بجد فارق معاك شكلك لازم تتعلم صح و صدقني أحسنلك تأخد السلم من الأول علشان ماتجيش في النص و تقف.
اجتهد ، أتعب ، أصبر ، أمتن، أغلط و أتعلم من أخطاءك ” عادي”.
خليك سهل مع الناس، بسيط مع الغلابة و متواضع مع الأغنياء بس “بكرامة”.
خليك أنت وما تتلونش، طور من ذاتك، اهتم بمظهرك، خاليك مجامل و لسان طيب، حافظ علي ابتسامتك، ساعد كل الناس و ماتغلطش في حد أبدا.
حدد هدفك و ماتبصش وراك بص أدامك بس.
كبر عزوتك، واجهة خصومك بشجاعه “ماتخفش”.
ماتقارنش نفسك بحد و ارضي باللي ربنا قسمهولك علشان تعيش مرتاح البال.
ما تركزش مين وصل ازاي ركز في عملك و استمتع بكل خطوة في حياتك و صدقني آخرة السعي رزق ونجاح “و من جد وجد و من زرع حصد”.
“إن الله لا يضيع أجر من أحسن عملاً”
بسم الله الرحمن الرحيم
{مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ }
صدق الله العظيم