الأربعاء , 5 أغسطس 2020
الرئيسية / نفسي / كبسولات مهدئة…(أشياء مش مهمة!)…تكتبها رشا صيرة

كبسولات مهدئة…(أشياء مش مهمة!)…تكتبها رشا صيرة

= 1059

من أول ما بنصحى لحد ما بننام بنمر بعدد لا نهائى من الأحداث والأخبار والمواقف… فى منها المهم واللى لازم نتفاعل معاه وفى اللى مش مهم ومحتاج فرملة منك علشان ما ينفعش تسيبه يتحكم فى أعصابك …
أنفعالنا بيتوقف على أهمية الخبر أو الموقف والشخص اللى أفتعل الحدث ولغته وبيئته وثقافته …فلو لاقيت نفسك بتنفعل من كلام شخص ما لمجرد أنك شوفته بيتكلم أو لاقيته كاتب حاجة ضد رأيك ! فكر فى أول الأمر ان كل الناس مش زيك ولا هتلاقى الكل بيفكر زى تفكيرك …
دخولك فى نقاش معاه وصدامك معاه للأسف بيكون زى السمكة اللى بلعت الطُعم …ودخلت نفسك فى دايرة الصدام وانت أصلا ما كانش فى بالك تضايق نفسك !
فتدخل معركة بتضيع فيها وقتك وتفقد رقى وهدوء نفسك بأهتمامك ودخولك فى أشياء مفيش فايدة منها وبتضيع على نفسك وقت تهتم بما هو أنفع لحياتك ولمن حولك !
ما تخليش اى حاجة او اى فعل او حدث يلازمك ويسحبك ويستنزف طاقتك !
بلاش تصحى من نومك تدور على اللى يضايقك وتدور على الأخبار وتنكد على نفسك قبل ما حتى ما تشوف نور الشمس من الشباك ؛وتخرج مهموم وكاره الدنيا واى حد تقابله ؛وكل حاجة تقابلها فى طريقك هتعتبرها سيئة !
المشاكل موجودة وعمرها ما هتنتهى وصراعات العالم مستمرة فخفف عن نفسك وهون عليها …مش كل شئ يستحق الأهتمام ولكن هناك أشياء أولى بالأهتمام ومحتاجة توفرلها طاقتك واعصابك ونفسيتك ..
دورك تجاه الأحداث والأشخاص بيتوقف على أولوية الشئ بالنسبة ليك ووضعك من الحدث ومسؤوليتك تجاه الشخص الاولى بأهتمامك …
الأشياء المستفزة عمرها ما هتخلص لكن نفسيتك هى اللى هتخلص !
أهتمامك بأشياء مش بتاعتك هيزود الضغط عليك وممكن يخليك تأذى اللى حواليك بكلامك وأنفعالك وما تستحملش مشاكلهم ويخليك تأخد قرارات خطأ فى وقت غلط !
بلاش تدور على حاجات مش بتاعتك علشان يكون لك دور فيها وتنسى الحاجات الأولى بأهتمامك !

(يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِن تُبْدَ لَكُمْ تَسُؤْكُمْ).

شاهد أيضاً

كبسولات مهدئة…(الشخصية العدوانية)…تكتبها رشا صيرة

عدد المشاهدات = 325 “كيف يفرض إنسان سلطته على إنسان آخر يا وينستون ؟ فكر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: