الإثنين , 10 أغسطس 2020
الرئيسية / خواطري / الشاعرة سحر سلمان تكتب: حكاية كل بنت في بلادي

الشاعرة سحر سلمان تكتب: حكاية كل بنت في بلادي

= 446

في بلدي يا ناس البنت دايمًا بتبات مظلومة
بيزعلوا لما تيجي الدنيا ويقولوا دي حمل تقيل
نقول ماشي خلاص وتعيش في حياتها محرومة
وتتعذب كأنها شايلة وصمة عار وهَم كبير
وتفضل كل حاجة لا ولا.. مش مسموحة
مع إنها طيبة وحنينة وسند وقلب جميل
تقول عاوزة أعرف وأتعلم، تشوف الدنيا مفتوحة
يقولوا لها ده مش ممكن، كده ده كتير
كده عيب يا بنت إنتِ متبقيش، تنام وتقوم مجروحة
يمر الوقت، سنينها تعدي، وتكبر وتحلم بأمير
يخطفها على حصان تشيله في عين مقفولة
تحب حبيب يموت فيها ولأنه فقير
يسيبها بحجة محفوظة وتعيش حيرانة مصدومة
تحب جديد بعقل رزين وتحسبها بقلب أسير
وترضى في يوم وتعدي، ما هي حنونة
وهي اللي بتشيل وتودي وبتدبر وهي الخير
ويوم ما بتشكي ولا تقول مش مبسوطة
يردوا يقولوا اسكتي وعيشي يا بنتي، ده إنتِ غير
وتفضل عايشة وبتنسى إنها عايشة مهمومة
ولا حد بيفهم ولا حد حاسس ولا حد بيقدر جميل

 

شاهد أيضاً

“فراغ ممتلئ”..قصيدة للشاعرة سلمى الزياني

عدد المشاهدات = 760 كبالونة فارغة من الهواء فارغة مما هي انا مبعثرة كأوراق الدفلى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: