حياتي اليوم صحيفة إلكترونية يومية
تكتبها: مروة حسن
الحياة قصيرة اوي مهما حسينا او اتمنينا انها تكون طويلة.. وفي حقيقة واحدة بس وواقع مينفعش مهما حاولنا نخدع نفسنا به.. وهي ان الموت واقع وحقيقة ومش بعيد عن اي حد فينا..
رسايل الموت بتيجي لكل واحد مننا عشان تكون لنا نذير وتذكير عن الحاجات الكتييييييرة الغلط في حياتنا او عن الحاجات الصغيييييييرة الكتير اللي بنقعد نقول لنفسنا دي بسيطة وبكرة اظبطها!
الواقع ان بكرة ده محدش فينا ضامنه, الثانية اللي جاية في حياتنا محدش فينا ضامنها, النفس اللي خرج دلوقتي محدش فينا ضامن انه هيرجع…
اذكر نفسي واياكم بالتوبة كل حين وكل لحظة فعلا الموت قريب اقرب مما نتصور والوقوف بين يد الله مش سهل..
والقبر مش سهل..
والسؤال الاجابة فيه مش سهلة خاااااااااااالص..
والصراط مش سهل ابدااااااااااا..
ارجوكم كل اللي يقرأ كلامي يفكر في حاله ويتوب عن كل ذنب عمله او بيعمله
ارجوكي اختي في الله اللي مش محجبة فكري في نعم ربنا عليكي واتحجبي رغبة في رضا ربنا وحب فيه حتي ولو مش هتكوني مبسوطة.. صدقيني وقتها ربنا هيبدل عدم رضاكي ده بفرحة ملهاش مثيل..
ارجوكي اختي في الله المحجبة وحجابها مش صح وهي عارفة..تراجع نفسها اوي, شوية الشعر اللي باين والميك اب الخفيف والكارينا والبنطلون ياريت تتخلي عنهم. واسألي نفسك لو حبيبنا المصطفي عايش كنتي تحبي يشوف حجابك كده؟
اخي في الله اللي بيشرب سجاير وبيقول انا احسن من اللي بيشرب مخدرات.. ارجوك لا تستهين بالذنب واتحداك بينك وبين نفسك تطلع فائدة واحدة صحية او اجتماعية للسجاير! احلف لي انك مقتنع انها حلال وانك لو عزمت بها علي صاحبك مش هتاخد ذنبه!
ارجوك اخي المتزوج اتق الله في اهل بيتك واوعي تظلم او تفتري وحاول تكون نعم الزوج والاب والابن والوالد..
ارجوكي اختي المتزوجة اتق الله في زوجك وافتكري له الحلوة قبل الوحشة واوعي تكوني من اللي بيكفرن العشير وحاولي تكوني نعم الزوجة والام والابنة.
اخواتي واخواني اللي بيسمعوا اغاني وبيشوفو آخر كليبات فلان وفلانة.. اسأل نفسك تحب تاخد ألبوماتهم معاك في القبر؟ تحب اغانيهم تشفع لك؟
تحب تحشر معاهم؟
الفتن كتييييييييرة اوي حوالينا فيارب نعرف نعدي من امتحان الدنيا وننجح في امتحان الاخرة..
كل اللي فات بقوله لنفسي قبلكم واسأل الله العظيم ان يرزقني واياكم حسن الخاتمة وان يدخلنا جنته بغير حساب ولا سابقة عذاب احنا منقدرش نستحمل لسعة شمعة فما بالنا بنار جهنم…
رحمتك يارب بنا فانت ارحم الراحمين
