الجمعة , 28 يناير 2022
الرئيسية / نفسي / رشا صيرة تكتب: ولعلنا نستوعب!

رشا صيرة تكتب: ولعلنا نستوعب!

= 2273

في مقولة لنجيب محفوظ بتقول …
“الحياة ستمضي قبل أن نستوعب ما يمر بنا”
وجبران خليل جبران له مقولة بتقول …
“بدأت أستوعب وأفهم الآن، أن سعادتى تكمن في التخلي عن المزيد ، لا الحصول على المزيد”
في وقت هتوصل لمرحلة لازم هتستوعب فيها كل المشاعر اللى صادفتها في أوقات من حياتك وماعرفتش تفسرها ، أتعاملت معاها انها مشاعر ممكن تكمل معاك بس هي في الحقيقة كانت لمجرد الاستيعاب ….!
استيعاب للنهايات ….
و استيعاب لكل حقيقة كنت بتهرب من تصديقها….
واستيعاب لفراق أحباب كانت حياتنا متعلقة بقلوبهم وكان قربهم هو الراحة ….
واستيعاب لكل زعل ما كانش لينا يد في حدوثه ، ولكنه كان لازم يحصلك علشان تقدر معنى الفرح ….
واستيعاب لكل أمنية ربطنا تحقيقها بوجود شخص ولكنه خذلنا ،
ونسينا ان الأمنيات علشان تتحقق مش محتاجه غير وجود رغبتنا احنا….
واستيعاب لكل خطوة بسيطة وصلنا منها لمكان راحة ولحظة أمان من غير مساعدة من اللى حوالينا …
واستيعاب لكل كلمة حلوة ولكنها كانت مصدر لقوة كبيرة جوانا ….
واستيعاب لكل فعل كان بدافع الأحتياج ولكنه كان وهم ….
واستيعاب لكل خوف كان جوانا وكنا فاكرين انه ضعف ولكن انتصارنا عليه قوانا …
واستيعاب لكل لحظة ضيعناها مننا علشان مسكنا في لحظة تانية ما كانتش من حقنا ….
واستيعاب لكل علاقة كنا في الطرف اللى قدم حب كتير واشياء صداقة ولكنها لم تقدر ….
واستيعاب لكل وقت كنا بنمنحه للى حوالينا علشان يخفف عنهم ولكنه كان بالنسبة ليهم ملء فراغ….
واستيعاب لكل تضيحة بشىء بيسعدنا او عمر من عمرنا ولكنها كانت التمن….
واستيعاب لكل فرصة تانية منحناها لغيرنا علشان نصلح فيها غلطة ،
وهى كانت طريق لارتكاب غلطات تانية في حقنا ….
واستيعاب لكل طريقة حب مقصودة او مش مقصودة ،
واحنا جوانا ثبات لطريقة الحب اللى نفسنا يعاملونا بيها ، بس احنا بنقدر نديها لغيرنا
استيعاب لكل البدايات اللى كانت مليانه مشاعر حلوه في كل حاجة وانتهت واستغربنا نهايتها مع
ان ده العادى كلهم في البداية رائعون ولكن الثبات للصادقين …..
واستيعاب لكل تعلق بشخص وكنا فاكرين انه هيشاركنا تفاصيل حياتنا وأسرارنا وأمورنا الخاصة وفجأة…
فى يوم وليلة أصبح غريب …..
الاستيعاب هو المعنى اللي بتتجمع فيه كل اللحظات اللي بنفهم فيها ونستوعب معنى حياتنا،
وبتخلينا نكمل حياتنا واحنا مصدقين اكتر وشايفين نفسنا أوضح ،وكل ما نستوعب اكتر كل ما بنقدر نتغير للأحسن
مش علشان نرضى الناس ولكن علشان نرضى ربنا ونفسنا ونعيش بحتة تكون فيها مرتاحين جوانا
ونقول لنفسنا مش مهم ايه اللى عدى وفاتنا وماعرفناش نستوعبه ….المهم اللى جاى واحنا قادرين نستوعبه !
ونعيش ونستوعب ونستوعب ……ولعنا نستوعب !
“يجب أن تخاطر ، فلن نستوعب معجزة الحياة إلا إذا سمحنا لغير المنتظر بالحدوث”
باولو كويلو.

شاهد أيضاً

كبسولات مهدئة: (سر الروح)…تكتبها رشا صيرة

عدد المشاهدات = 3917  كل واحد عايش راسم فى خياله صورة بيحلم يلاقيها فى حبيبه …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: