الثلاثاء , 3 أغسطس 2021
الرئيسية / خواطري / “آهـ م الجراح” .. أغنية للشاعر خالد الجمال

“آهـ م الجراح” .. أغنية للشاعر خالد الجمال

= 698

أيام العمر
تهل تمر
م الليل والفجر
تعادينا
تودينا
تتوه بينا
في زمان
وزمان
بقى ذكرى في قلبي ترسينا
في الآهـ
في المر
……..
ليالي طويلة
وقلوبنا عليلة
مين يبكي عليها
مين يبكي علينا
………
جينا حكينا حكاية عمر
تقرب منا يوم وتهل تهل
ها نحكيها نعيش فيها
نرسيها
نعود بيها
في الحب
وبحب الحب
……….
من أول لحظة قابلته
ضحك الشوق وسمعته
شفته بقلبي وكلمته
كلمة ف كلمة
لقيت معانبها
في فرحتنا
في سعادتنا
ف الشوق اللي مدوب روحنا
على باب الهجر المتهني
بشفايف فرحانة تغني
…….
وقفت أدق الباب
رد اللي قلبه داب
لقيت لقا الأحباب
مقدرتش أقاوم
ولا قلبي يساوم
ولا ضيه غاب
…….
ودخلت معاه
وسحرني هواه
بعيون ديبانا ف ضحكة وآهـ
……..
عشت ليالي كل لحظة فيها أنغام
حب وجالي طيفه هارب م الأحلام
……..
صحيت فيه مشاعر قلبي
سكنت فيه ولا بتقولي أي كلام
جاني الحب عملي ف قلبي
محطة عشق بناها غرام
……….
وتسير بينا
وتطير بينا
وف ليالينا
تفضي الشوق
وكأنه ما كان
……
طار الحب
بين قلب وقلب
رسيت مراسيه
واللي ها يقدر
يحكم ف الحب
فين نلاقيه
…….
زي الضي السارح
زي إمبارح
لما تروح لياليه
في البحر يكون
في السما هيمان
ف نور ف ضلام
الحب يبان
………
عيون بتراقبه
وعيون بتعاتبه
وعيون بتقول له
كفايا غرام
……
مستكتارين يا عيون
مستخسارين حب يكون
فارد جناحه ف القلوب
جُم هنا
زرعوا الآلام
ف قلبي أنا
حِزن الكلام
يوم ما عزاني الغروب
………..
يا حبنا
ياللي أنت ضل لعمرنا
ليه سيبتنا
وسيبت جرح ف قلبنا
……
آه م الجراح
تبكي الجراح
ع اللي راح وانتهى
——————
من ديوان (أنا الدموع) الصادر عام 2009م.

شاهد أيضاً

مصابيح: التعصب الأعمى…!

عدد المشاهدات = 1779 يكتبها: فارس ناصر سادت فى مجتمعنا عادة ظلت ومازالت تنخر فى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: