حياتي اليوم صحيفة إلكترونية يومية
جميل انك تعرفي تقولي لأ..لكن الهدف هنا مش انك تقولي لا وخلاص وتبقي عنيده ومتسلطه لان دا يتنافي اساسا مع مكوناتك كأنثي لكن في حاجات كتيره اوي في حياتنا للأسف بنوافق عليها واحنا من جوانا رافضين تماما حتي شعورنا بيها بلاقي بنات كتيره تتكلم معايا وتقولي انها وافقت علي الشئ دا لمجرد الانتقام من ماضي معين أو الخروج من أزمه معينه عشان عايزه تهرب منها وخلاص لكن للأسف هي مش بتكتشف غير متأخر إنها وقعت في مشكله اكبر واعنف دا غير انها بتلاقي نفسها ظلمت ناس تانيه كتيره معها مش بس نفسها عشان كدا كلامي موجه ليهم..
اتعلمي انك تقولي لاااااااااا حتي ولو لابسط الأشياء الا مش عجباكي بلاقي ناس بتتعامل مع ناس معينه لمجرد انه صعبان عليها ومش عارفه تقول لااااا ودا أنا بعتبره نوع من الإستفزاز العاطفي لان الشخصيات دي بيبقي عندها خلل في النضج الشعوري ولازم انك تبعدي عنهم فورا الصراحة "مش ناقصين خلل احنا مختلين خلقه "…
اتعلمي انك تقولي لاااااااا لو حد طلب منك حاجه تقيله عليكي لان مينفعش اعمل غير الا مقتنعه بيه قولي لاااااا لاي طلب سخيف أو خروجه ملهاش اي لازمه قولي لاااااااااااااااا لاي وظيفه مش عجباكي مفهوم ان في ناس محتاجه الشغل لاي امور ماديه أو معنويه للخروج من البيت وتغير الجو ودي كلها إحتياجات بشرية معروفه لكن الغريب انك متدوريش علي الحاجة الا بتحبيها وتفضلي كدا مستسلمه للواقع….
عايزاكي تفضلي نحله مبتسكتش قرري وإحلمي ونفذي حلمك واتكلمي وقولي رئيك ولو حد قاطعك اطلبي منه انه يحترم مساحتك في الكلام غني إكتبي احلمي قولي كل الا نفسك فيه طالما مش بتجي علي حق حد ولا حريه حد حاولي تصلحي الا اتفسد من تربيتنا كلنا اتعرضنا لمشاكل أثناء تربيتنا إالا المحظوظين منا وهما قله قليلين…
إكتشفي إنتي مين وعايزه ايه دوري بقي علي إسطورتك الذاتيه اعدي كدا مع نفسك واعرفي ذاتك واجهي مشاكلك وحققي طموحاتك واعرفي امتي تقولي لااااااا وسيبك من الناس الا بتتكلم عنك طول الوقت افتكري قصه جحا وحماره وافتكري ان مفيش خطط بتمشي صح للأخر لأن المعطيات بتتغير وافتكري ان المرونة هي المفتاح وأهم حاجه انك متسمحيش لاي حد انه يعتبرك الشماعة الا حيعلق عليها أخطائه وواجهه بالحقيقة وقولي لا لاي معتقد أو منطق أو فكر يتعارض مع أفكارك مع الحفاظ طبعاااااااا علي دينك وسنة سيدنا محمد عليه افضل الصلاة والسلام
