حياتي اليوم صحيفة إلكترونية يومية
كلنا فى طفولتنا نظن أن أقوى رجل فى العالم هو والدنا ….وأمهر أم هى أمنا وقد حان الوقت لنثبت لاولادنا اننا بالفعل الاب القوى والأم الأمهر وتكونوا فى مقدمة التضرع إلى الله ….
رسالة جاتلى الصبح من شيخى الفضيل على يدعونى للتضرع والدعاء خصوصا فى ساعة الدعاء لعلها تكون المنجية ….
وأنا هأكمل رسالته وأقول أن أبطال الفترة اللى عدت هما أولادنا اللى بجد أثبتوا أنهم قد الأزمة ورغم تعودهم على حياة الرفاهية والموضوع كان لخبطة لكل اللى اتعودوا عليه لكن بجد قدروا يستحملوا وبيفكروا ازاى يساعدوا نفسهم واللى حواليهم علشان الوقت يعدى..
والجميل ان حتى صغار السن منهم قدروا يفهموا يعنى ايه يخاف على صحته وصحة اللى حواليه حتى لو مش هيقدر يلعب مع أصحابه ولا يروح مدرسته ولا تدريبه زى ما أتعود !
ولا حتى أبسط حاجة أنه لما يصحى يبوس باباه ومامته ويحضنهم ….
فى رأيى ولادنا هما الأقوى وبيهم هنقوى وربنا هينجينا علشان خاطرهم …
وهأختم كلامى بحكمة الشيخ على وعظة اليوم وكل يوم
( ولا تكن ابن اللحظة …
تنسى ما حدث بالامس ولا تعبأ بالغد )
