الخميس , 28 مارس 2024

عزة عبدالعزيز تكتب: الكحل اللى بين عينيها

= 2213

مشروع كتاب
بتوه فى ملامح وشها
فتلاقى بين عيونها خط اسود
وشها صافى زى السما
وبراءتها فيها كتييييير منها
وهى صغيره وخط الكحل
اللى بين عينها شاهد على جمالها
الكحل اللى بين عينها بيشبه ملاحها
السمره فيها سمره
اهل النيل فيها من جدها وابوها
ومن الارض السمره اللى اتربت فوقها

(2)

خط الكحل اللى بين عينها
خلى عيونها تلمع
وآه من من لمعه العيون والدمعة
اللى بين الجفون رافضة النزول
الدمعة اللى بلمعة
الكحل اللى بين عيونها
خلاها تبان قداماك صامده ..
وهى هشه جدااا

(3)

الكحل بين عينها ودمعتها
صافيه زى ميه المطره..
دمعه طفله أرادت الحياه
الكحل دايما بيتمسح
فى عيونها من البكا ..
لغايه ما تصفى العين تماما
وتعود للونها البنى

فى دمعتها حياه لروحها
دمعتها صديقتها الرحيمة
وحبيبتها الرقيقه
وبعد كل بكا بنوم عميق
وكحل تحت العين
بسواد البكا ترجع تحط الكحل
فى عينها لترجع لجمال العين
وتسرق سواد من كحلها ليخيبها
من الوجود هلا للكحل
ان يبقى فى عينيها
ام سيمسح الكحل فى كل ليله
عيونها تجملت بسواد الكحل

(4)

الكحل بين عينيها ساح
وبهت لونه من الدمعه
اللى رافضه النزول
رفضت تبص للشمس لاجل الدمعه
تتوه وسط العين وما تنزل

(5)

الكحل بين عينها سرق كل كلمه
حاسه بيها استخبى
كل الكلام فى وسط كلمه
سواد اهو ده اللى بقى يعبر
عنها فى وسط ليلها ونهارها
—————
عزة عبدالعزيز
مشروع كتاب

logo

شاهد أيضاً

ابراهيم على‬ يكتب: ‏وجع بنت‬!

عدد المشاهدات = 99191 ارتباطهم كان مجرد شىء روتينى لاى شاب شاب قرر انو يضحك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.