الأربعاء , 25 نوفمبر 2020
الرئيسية / خواطري / الشاعرة أمل فرج تكتب: صلوا على النبي

الشاعرة أمل فرج تكتب: صلوا على النبي

= 2584

amal-farag

 

ها ابدأ معاكو كلام
والحب ده مذهبي
بعد الصلاة والسلام
على حبيبى النبي

انا لما شفت النور
بيهل م الروضة
فضلت الف وادور
م الفرحة مخضوضة

ده قبر سيدنا النبي
أغلى نبي ورسول
يا مشاعرى هاترتبي
فكري ..ده مش معقول

اليتم مش ذلة
اصبح شهادة نور
يافرحة يا طلة
من فجره جي بزهور

أنا بحب النبي
اكتر من اولادي
وهو ده مطلبي
حتى ..لأحفادي

علمنا معنى الأمان
ونحب بعضينا
إقروا بقى القرآن
أسمى معانينا

مانطقش يوم عن {هوى}
وكلامه كله دروس
واللمسة منه الدوا
والرحمة شىء محسوس

أول كلام الكتاب
يبدأ بحمد الله
والحمد يا أحباب
شكر الإله فى علاه

أنا من بنات العرب
الحب دين وسلام
بدعي واقول يارب
ديم نعمة الإسلام

واختم هنا بكلام
والحكمة فالمعنى
صلوا عليه ميت صلا
الجنة …تجمعنا..

شاهد أيضاً

“المغرب الشقيق”..قصيدة بقلم د. منى فتحي حامد

عدد المشاهدات = 778 العشق بالقلب يا مغرب يا مغرب النبض و الحياة .. أراكِ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: