نيرة الإمام تكتب: يا أطهر وأنقى قلب

يرتنى مكانك يا حازم
هفديك بروحى لازم
لانك نفسى وعمرى وهوايا
ومش هتكمل حياتى غير وانت معايا
قلبى ونبضى وحياتى
عمرى اللى فات والحاضر والآتى
عارفه صعبه علينا الفترات دى
ازمه يا روحى وهتعدى
اجمد طول عمرك أسد يا أسدى
عارفه عمرك ما مرضت ولا واخد على الرقدة
وزاد وغطى على ده كله تجيلك جلطة
قادر ربنا يخرجنا من دى ورطة
بالنسبالى دى كانت الضربة القاضية
بس يقينى بالله وثقتى بيه اكيد هيقوونى
ونظره عيونك واحساسك وحبك هيدعمونى
واحنا فى ايام مفترجه وفى العشر الاواخر من رمضان
بدعى ربنا بشفيك من كل اللى عندك فى كل أذان
يا اجمل واطيب نفس يا اطهر وانقى قلب
انا ليك النفس والنبض وبيك الأمل والحب
حبيبى وعمرى قلبى ونبضى وهوايا
لآخر العمر هكون معاك وتكون معايا
انا واثقه فى اللى خلقنى
واللى بيك عوضنى ورزقنى
مستبشره خير فيك وعندى امل يا ربى
يا من قلت ادعونى استجب لك يا عبدى