حياتي اليوم صحيفة إلكترونية يومية
هو بلوك القلوب، ما توصلش حد بتحبه انه يعملك “بلوك” من قلبه، بلوكات الفيس والواتس بتتعمل وتتفك ألف مرة .. لكن “بلوك القلب” ده الوحيد لما بيتعمل مابينفعش يتفك أبدا مدي الحياه.
القلب مابيوصلش انه يعمل “بلوك” لحد بيحبه غير لما بيستنفد معاه كل فرص التسامح والغفران وطيبة القلب.. ويخلص كل رصيد الأعذار فى قلبه ناحيته.
القلب بيعمل “بلوك” لما بتزيد جراحه و وجعه وخذلانه ومايبقاش قادر يتحمل اكتر من اللي اتحمله ..
ومش معني بلوك القلب انه يكون بقي بيكره اللي كان ليه مكان ف قلبه .. لا ابدا ممكن يحصل وهو لسه بيحب وبيموت من جواه علي اللي كان ليه مكان في قلبه .. بس خلاص مابقاش فيه فرصة انه يكمل مشواره معاه بعد كل اللي شافه علي ايديه من وجع وجرح و خذلان.
بلاش تدوسوا علي قلوب حبايبكم وتستغلوا طيبة قلوبهم وجدعنتهم والتسامح بتاعهم معاكم .. لأن التسامح ده مش هيطول وهيجي اليوم اللي قلوبهم هتعمل ليكم بلوك .. ووقتها عمر ماهيبقي ليكم مكان و وجود تاني في حياتهم مدي الحياه.
