حياتي اليوم صحيفة إلكترونية يومية
دايمًا بنخاف من مشاعرنا وبنتجنب مواجهتها لانها بتبقى مليانه كمية كبيرة من السلبيات اللى بنخاف اننا نغرق فيها لو ركزنا بنظرة عميقة بالتفكير فيها .. و بنخاف انها تألمنا!
لكن اللى بيألمنا مش التفكير ! اللى بيألمنا المشاعر اللى بتصاحب الأفكار …
الأفكار بحد ذاتها مش مؤلمة …المؤلم هو المشاعر المستخبية وراها وضغط المشاعر المتراكمة…
فشعور واحد ممكن يتسبب بآلاف الافكار زى لو حاجة مزعلاك وأفتكرت معاها ذكرى مؤلمة حصلت من زمن بعيد وبدأت تفكر وتربطها بأحداث تانية وبدأت تحس بندم وحسرة ووجع هتخلق لنفسك معاها كمية مشاعر لا حصر لها وانت اصلا كنت فى غنى عنها!
بس لو اتعلمت تتخلى عن شعورك المؤلم المستخبى ورا كل احساس بتحسه هتسمح للأفكار انها تختفى من حياتك وهتقدر تنسى اللى حصل.
