حياتي اليوم صحيفة إلكترونية يومية
—
الأزمات والظروف وتغير الطبيعة فجأة بتوقفنا قدام نفسنا..
كأنها قلم مفاجئ على وشنا علشان نفوق من حاجات كتير
أو نشوف حاجات ما كناش عارفين أنها جوانا …
أول أحساس هتتجبر عليه… الخوف…
الخوف هيعميك عن رؤية مخاطر الحياة الحقيقية …
الخوف هو الوجه الآخر للفتنة به …
هناك علاقة توتر وتباعد بين الخوف والإيمان …
الخوف بيقلل الإيمان ….
والإيمان بيقلل الخوف …
أي فكرة هنفكر فيها باستمرار ونشحنها بالطاقة هتظهر غالباً فى حياتنا ….
والخوف هيولد أفكار ناشئة من الخوف…
وكل ما الأفكار أتعلقت بعقلنا كل ما كان من المتوقع تحقيقها…
طريقة تعاملك مع الأزمة والخوف هتفهمك نفسك!
إحساسك باللى بيحصل …
وشعورك باللى حواليك …
صبرك وقوة تحملك …
استغنائك عن حاجات لو اتحرمت منها …
درجة إيمانك وعلاقتك بربنا ….
هيخلقوا جواك وسائل دفاعية هتكون طاقة إضافية …
لإنشاء جهاز وقائى تحرر بيه نفسك من الخوف ….
الخوف لا يمنع من الموت ….
ولكنه يمنع من الحياة …..!
