حياتي اليوم صحيفة إلكترونية يومية
البلوك الحقيقي هو بلوك القلوب ..
ماتوصلش حد بتحبه انه يعملك بلوك من قلبه .. بلوكات الفيس والواتس بتتعمل وتتفك ألف مرة .. لكن بلوك القلب دة الوحيد اللي لمل بيحصل مابينفعش يتفك أبدااا ..
القلب مابيوصلش انه يعمل بلوك لحد بيحبه غير لما بيستنفذ معاه كل فرص التسامح والغفران .. ويخلَّص كل رصيد الأعذار في قلبه ناحيته ..
القلب بيعمل بلوك لما بتزيد جراحه ووجعه ومايبقاش قادر يتحمل اكتر من اللي اتحمله ..
ومش معني بلوك القلب انه يكون بقي بيكره حبيبه .. ابدااا ممكن يحصل وهو لسة بيحب وبيموت من جواه علي حبيبه .. بس خلاص مابقاش فرصة انه يكمل مشواره معاه بعد كل اللي شافه علي ايديه من وجع وجرح.
بلاش تدوسو علي قلوب حبايبكم وتستغلو تسامحهم معاكم .. لان التسامح دة مش هيطول وهيجي اليوم اللي قلوبهم تعمل ليكم بلوك .. ووقتها عمر ماهيبقي ليكم مكان تاني في حياتهم.
