حياتي اليوم صحيفة إلكترونية يومية
خلي مالك ليك مطيه
تركبه عند اللزوم
واهدي من قرشك عطيه
للي محتاج للهدوم
أستره ( استرو) من غير أذيه
تبقي خالي م الهموم
….
وخلي بالك .. من ….. فلوسك
واجمع القرش …. الحلال
واوعي قطر الدين ( السلف ) يدوسك
وانت سايق في … (الشوال)
….
عيش حياتك وانت رايق
نقي جيبك م . الديون
اصل نص الدين حرايق
ونصها التاني هههه هههه ( السجون)
وعجمي
نكمل والا كفايه ( وجع )
السندباد الطائر غريب الشعراوى
والوجع تلقاه ف دينك ( الدين هنا معناه السلف)
والسلف من ناس كتير
ادعي رب الناس يعينك
دا ف خزاينه الخير وفير
….
واوعي تصرف رأس مالك
في الملاهي و القمار
واوعي تشرب خمر . جالك
من فلوس اخرتها .. نار
….
خلي بالك من عيالك
ربي فيهم بالضمير
لو كنوز الكون … جايالك
بالحرام هتموت .. فقير
….
خد حقوقك و ادي غيرك
حقه لو مليون دولار
في التراب آخرة مسيرك
جنه دايمه يا إما نار
….
ازرع. الأرض. بجهودك
واروي. زرعك …..بالحلال
تطرح. الجنه . ف ورودك
وانت. سامع. صوت. … بلال
