—
عزيزى البخت خلاص مليت
وأملى ياريت تكون جنبى
وتسمعنى زهقت خلاص
من العيشه مافيش إخلاص
فمن فضلك تبص لنا
ولو أمكن تجيبلى بخور
عشان النحس ملازمنى
وبالمره .. ده لو أمكن
تجيب لى دولاب بسراحه
ماليها ذواق
مناظر ناس بتتظاهر
ده شكله جميل
و شكله تملي فى الفورمه
حرامى غسيل
ونفسى كمان ف ولاعه
عشان احرق جثث عايشه ..
ومتباعه لطوب الأرض
ولو صادفك وشوش إتيكيت
تعلم ف الولاد فى البيت
فمن فضلك بلاش تنكيت
بندفع للدروس الفرض
ولو تعرف إزاز للقطر
وحاجز يمنع الحادث
ومسئول تسأله ويرد
ومايقولشى دا عيب حارس
ويعنى ياريت ضمير تيك اواي
فى وقت الكعبله
يعرف يروح فار اواي
ومن فضلك تشوفلى قانون
ماهوش مجنون .. يحاكمني
عزيزى البخت كمل نوم
جود افتر .. نوم
ماتزعلشي.