حياتي اليوم صحيفة إلكترونية يومية
كنت واقف في دوران شبرا قدام العمارة بتاعتها فجأة العيال قالولي الحق الموضة اتغيرت الشعر مابقاش علي جنب بقي ورا …
رحنا كلنا بيت واحد صاحبنا وغسلنا شعرنا بصابونة نابلسي شاهين ورجعنا شعرنا لورا كنا حاسين شكلنا زي الكائنات الفضائية …
المهم طلعت البيت لبست القميص الفسكوز المشجر والبنطلون أبو كسر بضم الكاف والجزمة ال لطفي …
رحت بقي لمحل مادونا اشتريت لها ألبوم مايكل جاكسون الجديد وحطيته في علبة هدايا متعطرة ببرفيوم وجواب عليه قلوب…
رحت وقفت قدام بيتها لما دخلت الشارع كله هاتك ياصفافير الحلوة دخلت شارعنا …
تحول الشارع لديسكو.. شباب في البلكونات مشغلين أغاني عمرو دياب والشاب خالد وايهاب توفيق ومايكل جاكسون
في اللحظة دي حطيت أيدي في جيبي ووقفت بمنتهي التناكة وبصيت لها من فوق لتحت بإعجاب
بصت ليا وإبتسمت
حسيت بالانتصار علي كل شباب الشارع والعيال بتبصلي وبتضحك
كنت حاسس إنهم بينفسنوا
وفي اللحظة اللي اديتها الهدية لقيت ايدين طرقعت علي قفايا طلعت جريت زي الخروف والشارع كله بيضحك عليا أصل والدها ربنا يمسي ايديه بالخير كان بيحبها قوي وبيغير عليها …!
