حياتي اليوم صحيفة إلكترونية يومية
يا منتظر ليلة القدر، وانت ظالم.. وانت غدّار؟
شايل ف إيدك دم شهيد، وساجد بتبكي على الأقدار؟
بتدعي لمغفرة ورحمة، وانت سرقت م الغلبان داره؟
بتسأل ربك عن جنتك، وانت حفرت لجارك ناره؟
فين الحق اللي اتداس تحتك؟
فين صوت اللي صرخ في وشّك؟
فين دعوة أمٍّ قلبها مات؟
وانت بتضحك فوق غُلبها؟
صليت..؟ أيوه صليت كتير،
بس ف إيدك مال حرام!
وسجدت..؟ أيوه سجدت زمان،
بس قلبك مليان أسقام!
يا تارك صلاة.. ويا شاهد زور،
يا آكل حقّ المظلومين،
يا سارق فرحة.. وقاطع نور،
يا بايع روحك للسنين!
ليلة القدر مش ليك، لا..
مش للقاتل.. مش للخاين،
مش للظالم اللي ف غفلته،
فاكر ربه عنّه سايب!
يا واقف تصلي.. روّح نام،
ليلة القدر مش للموتى،
ليلة القدر ديّ للنضيف،
لللي دعوته تهزّ سمواته!
