الخميس , 28 مارس 2024
د. نهى أبو زيد

د. نهي أبوزيد تكتب : يوميات مريض محتار مع “معاوقة الانسولين”

= 8785

جاءني اتصال هاتفي من أحد المتعاملين مع المعمل يقول لي: انا شوفت حاجات في رقبه بنتي زي ما يكون عدم نظافة وحاولت اغسلها وانضفها بس للاسف مش بتروح ده بقي ايه يا دكتورة؟

جاوبت وقولت له تعالي إلى المعمل وأشوف ده ايه وأوجهك تعمل ايه وتروح فين.

وبالفعل جاءني وشوفت رقبة بنته فعلا شكلها زي ماتكون مغسلتش رقبتها من زمان بس للاسف دي مش عدم نظافة دي اسمها معاوقة الانسولين. سكت وقالي: يعني بنتي هتاخد انسولين يعني عندها سكر قولت له لا هشرحلك ببساطة.

ايه بقي معاوقة الانسولين دي؟

معناها ان الانسولين بيبقي موجود بس مش شغال ودا بيخلي استهلاك الجلوكوز كمصدر للطاقة مش مظبوط وبالتالي بيرتفع السكر في الدم في البداية كمرحلة ماقبل السكر وبعد كدا يحصل مرض السكر من النوع التاني.

طيب هي دي العلامة بس اللي بتقول ان فيه معاوقة للانسولين ولا في علامات تانية؟

لا طبعا في علامات تانية:

زياده الوزن
انخفاض مستويات الكولسترول و ارتفاع الدهون الثلاثية
ارتفاع ضغط الدم
امراض القلب والاوعية الدموية
الاسراف في المياه الغازية
الاقبال علي الوجبات السريعه والجانك فووود
التعرق الشديد والجوع والعطش الشديد التبول الشديد

ما طرق علاج معاوقة الانسولين؟

ممارسة الرياضة والتمارين الرياضية وممارسة المشي يوميًا.
محاولة التخلص من الدهون المتراكمة حول البطن ومنطقة الأرداف.
محاولة الإقلاع عن التدخين.
التقليل من تناول السكريات والكربوهيدرات والنشويات.
تناول الغذاء الذي يحتوي العناصر الغذائية المفيدة مثل السمك والألبان.
تناول الأطعمة الغنية بأوميجا 3 لتقليل نسبة الدهنيات الضارة والكوليسترول في الدم.
أخذ قسط كافي من النوم والراحة.
محاولة التخلص من القلق والتوتر والاكتئاب.
الصيام المتقطع لزيادة حساسية الإنسولين.

طيب هو فيه تحليل اسمه معاوقة الانسولين؟

ايوه فيه واسمه: HOMA IR

طيب له شروط ولا في اي وقت بيتم تحليله؟

لازم يتحلل بعد صيام ليلي لمده 8 ساعات وممنوع إن حد يكون بياخد انسولين يحلله.

وبناءً علي نتيجه التحليل الطبيب المعالج بيقول اذا كان طبيعي ولا فيه معاوقة بسيطة ولا فيه معاوقة شديدة.

(عافانا الله وإياكم من كل مكروب وسوء)

شاهد أيضاً

كيف تتجنب رائحة الفم الكريهة فى نهار رمضان؟

عدد المشاهدات = 136 قالت وزارة الصحة والسكان أنه لتجنب رائحة الفم الكريهة فى شهر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.