الجمعة , 18 سبتمبر 2020
الرئيسية / نفسي / كبسولات مهدئة…(روحكم غالية)…تكتبها رشا صيرة

كبسولات مهدئة…(روحكم غالية)…تكتبها رشا صيرة

= 1027

اعتزل ما يؤذيك واحرمه منك …
مبدأ كلنا نفسنا نطبقه
بس للأسف مش بينفع مع كل الناس

لأن فى ناس فى حياتنا ممكن فعلا بيؤذونا بس مينفعش نخرجهم من حياتنا ولو حاولت وبعدت ممكن انت تستحمل بس فى ارواح تانية مربوطة بيهم وصعب علشان حد آذاك
أنك انت كمان تتحول لشخص مؤذى وقاسى وخصوصا لو مش طبعك ولا شخصيتك.

الصفحة الجديدة لما بتتفتح بتكون بيضا وبتفرحنا وتخليناحتى نفسنا مفتوحة اننا نكتب فيها حاجات جديدة ، وربنا بيدى كل واحد قدرة …
فيه بيقدر يكتب فيها بخط حلو بس كلام مش مفهوم ولا مفيد..
وفى بيكتب فيها بخط وحش بس كلام يفيدك ..زى الطبيب اللى خطه وحش بس عنده العلاج …

وفيه اللى ممكن يرسم رسمه حلوه وغيره ما بيعرفش يرسم بس ذوقه حلو فى الكلام واختيار الاشياء من حواليه …وبيعرف يرسم حياة حلوه لنفسه وغيره بروحه …
أيوه الروح هى سر الانسان وهى اللى بتخلينا مختلفين عن بعض …بتخليك قادر تكمل وتعيش …

عيدوا نظرتكم للأرواح من حواليكم وحتى روحكم انتوا كمان …اتعاملوا على اختلافها .زى ما فيه مراحل مخلتفه للانسان من الطفولة …حتى الشيخوخة ….
‏بلاش تفضلوا تشوفوا وتسمعوا وتشيلوا فى نفوسكم من كل حاجة …

ومش كل حاجة نقف ونحللها ونتكلم فيها أكتر من اللازم …

والكلام اللى الناس كتبته مش هيعمل غير طاقة سلبية عليك …قول لنفسك ممكن علشان ما كانش في ايده حاجه يعملها …فاكتفى بانه يكتب الكلام ده !
لكن انا قادر اعمل واقوم من مكانى بعد ما قريت كلامه او سمعت مشكلته واعمل اللى هو نفسه ما عرفش يعمله …

لو زعلانين من حد او حاجة ريحوا نفسكم منها او منه شويه وافصلوا …وشوفوا حاجه تانية وروحوا لناس تانية بس….ناس صح …مش غلط ….ناس تاخد بايدكم ومن قلبها فعلا…
لحظة الولادة والموت الفرق بينهم ….الروح
اتولدوا من جديد …بلاش تموتوا علشان حد ولا علشان حاجة …

روحكم غالية …

شاهد أيضاً

كبسولات مهدئة…(عقدة النقص)…تكتبها رشا صيرة

عدد المشاهدات = 632 لما بنلاقى حد بيفتخر بحاجات عنده ، وبيألف قصص نصها كذب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: