حياتي اليوم صحيفة إلكترونية يومية
سوزي مقبل
الدكتور هاني الناظر الأستاذ بالمعهد القومي للبحوث ورئيس المركز سابقا يجيب فيما يلي على أهم أسئلة القراء بشأن مشاكل الشعر..
امتي اقول اني بعاني من مشكلة سقوط شعر مرضية ؟
اذا وجدت يوميا علي المخدة الصبح اكثر من ١٢٠شعرة لأن هذا يعني ان الشعر يتساقط تلقائيا دون اي شد ..
طيب والشعر اللي بيقع في المشط والفرشاة وأثناء الغسيل ؟
لا خوف منه لانه بيقع علشان يطلع جديد مكانه ..
اذن ماهو العلاج المناسب لسقوط الشعر ؟
كبسولات Royal Vit G واحدة بعد الافطار يوميا من شهرين لثلاثة ومعاها حمامات زيت مكونة من خليط متساوي من اللوز الحلو وزيت الزيتون وزيت بذر الجزر وزيت السمسم لتدليك فروة الرأس والشعر مرتين اسبوعيا ..
طيب ايه احسن شامبو ؟
كل انواع الشامبو تصلح ولكن في نوعين كويسين StrongVille Shampoo وفي VB Styling shampoo ..
واحسن حاجة للشعر الهايش ايه ؟
StrongVille hair cream او zero frizz serum
كويس .. . وقشرة الشعر نعمل فيها ايه ؟
كل ما نغسل شعرنا ندهن فروة الرأس باي نوع من انواع شامبوهات القشرة ونتركه علي فروة الرأس حوالي عشر دقائق وبعدين نشطفه .. .
هل كل كريمات فرد الشعراللي فيها كراتين او بروتين او كولاچين او غيرها فعلا خطيرة ؟
خطيرة جداً علي الصحة والشعر والجلد وممكن تأثيرها يبان بعد ثلاث او اربع مرات ..
حتي لوكانت زيرو فورمالين ؟
نعم حتي لو كانت زيرو فورمالين ..
طيب والنوع البرازيلي للفرد بيقولوا آمن ومش خطير ؟
البرازيلي زي الهندي زي الامريكاني كله خطير ضار علي الشعر..
طيب نعمل ايه علشان نفرد الشعر ؟
ممكن السشوار ولكن بمعدلات قليلة .
