—
وحشتنى روح كان مجرد وجودها فى الدنيا بيطمنى
وحشتنى عيون كانت مخبيانى جواها ونظراتها بتحضنى
وحشتنى روح حنانها مكنش ليه حدود
والأمان فى غيابها خلاص مبقاش ليه وجود
وحشتنى روح كان مجرد وجودها معايا حياة
وعيون نظراتها بالنسبة ليا هى قارب النجاة
وحشنى شخص الدنيا مرعبة فى غيابه
هو عارف إنى هفضل واقفة على بابه
مستنية اللحظة اللى ممكن فيها يقابلنى
وأترمى فى حضنه وأنسى كل اللى وجعنى
وأحكيله على حصل من يوم ما سابنى
ما هو أكيد عارف إن فراقه ده هلكنى
برتاح لمجرد إنى بتخيل إنى بقيت جمبه
وشكلى بقيت بستمتع بعذابى فى حبه
ده مش عذاب دى روح مشتاقة لا محال
بتهدى بس لما بتقابل روحه حتى فى الخيال
فلتجمع الأحلام أرواحنا دائما يا حبيبى
حتى نلتقى بمكاننا الأبدى وينطفئ لهيبى