عمرك سمعت عن شخص اسمه الصندوق الأبيض !
الشخص ده موجود فى حياتى وممكن تلاقيه أنت كمان فى حياتك ….
بيعرف يهتم بيك وبغيرك وبكل اللى حواليه فى نفس الوقت …ويخليك تحس أنك محور حياته …وأنه أول ما بيصحى من نومه بيدور عليك علشان يطمن عليك ويقولك
صباح الفل …طمنى عليك …
بيعرف تفاصيك اللى انت ممكن ما تاخدش بالك منها وبيعرف أنت بتحب ايه وبيجيبهولك…
بيحب اللى بتحبه علشان يسعدك …
تسأله عن أى حاجه فى أى وقت بدل ما يجاوب تلاقيه عندك وبيعملهالك ….
لو غبت عن مكانك بيجى يدور عليك ويصور مكانك وهو فاضى ويقولك الدنيا كلها وحشه من غيرك مش بس مكانك ….بيحس بزعلك من قبل ما تتكلم !
يأخد كل حاجه جواك مضايقاك ويحطها فى صندوقه الأبيض ويمشى بعد ما يخلصك منها ويحط مكانها حنيه وفرحه…. رغم أنه بيفضل وقت حزنه يكون وحيد !
وبرغم كل ده ماحدش عارف يكون الصندوق الأبيض فى حياته لانه هو بس اللى ربنا أختاره أنه يكون الصندوق الأبيض فى حياه اللى حواليه …
يا ترى أنت فى حياتك … صندوق أبيض!!!