حياتي اليوم صحيفة إلكترونية يومية
سهران والليل حزين
والسهد مايل ع الجفون
عامل غمامة ع العيون
و المطر كائن غريب
يغسل الشوارع و الشجر
ويغسل نفوس
افتح شباك حياتك
هاتلاقي نفسك
سيارة ماشية
والكون سكوت
الليل حبس الناس ف البيوت
والأنين جوانا ناي يعزف
شجن على اوتار الهموم
ياترى الضلمة رايحة
والا باقية جوانا والليل يموت ؟
يا ليلة شتا م غير قمر ولا نجوم
عدى زي ما تعدى وكل شيء يهون
افتح للصبح بابك
دور على احبابك
افرد كفوفك للسما
امسك حبات المطر
تلاقى نسمة هلت
جايبة الأمل ندى
يصبح ع الزهور
والسهد راح لحاله
والحزن الفرح جاله
افتح شباك حياتك
تلاقى جوه القلب نور
———————-
* كاتب وقاص مصري.
