حياتي اليوم صحيفة إلكترونية يومية
من النهارده حروفي رافضه
تبقي صوت وجع جُوَّايا
كل ما اكتب كلمة وابدأ
يرفض القلم الْحكاية
يختفي كل الكلام
ويبتدى سرد النّهاية
وابدأ اكتب وارجع امسح
وابحث ع الأمل جوايا
والكلام بقى مِنِّى يهرب
مالها المعاني معايا!؟
تايهه مابين المعالم
دي النهاية ولا البداية!؟
ع الكتب لقيتنى باهرب
يمكن أقدر القى دوايا
وبإيديه علي كتفي طبطب
قومي يابنتي معايا
تايهه ليه وسط الكتب!؟
والكتاب أصله معايا..
اقرئي الأيات يابنتي
دا الكتاب هُوّه الهداية…
فوضي أمرك لربك؛
فضفضي واشكي له همك
واحكى ليه كل الحكاية
ولو عجزتي عن الكلام
فهوّ عالم من البداية.
