حياتي اليوم صحيفة إلكترونية يومية
هو ده شهيد جيش
اللي كنت زعلان منه
وقلت عليه ميساويش
اللي كل يوم يموت
علشان بس انت تعيش
اللي مات قبل ميلاده
وعمره قل خلاص مفيش
اللي يومه اتسرق منه
وخلص قبل الأوان
اللي حضن رصاص عدوه
علشان تبقي ف أمان
اللي ضحى بضي شمسه
لجل ما شمسك تبان
اللي صلى لربه فرضه
وايده فيها السلاح
اللي باس تراب بلاده
لجل ما ينول السماح
اللي حفر بإيده قبره
وقال حي ع الفلاح
هو قلبي هو قلبك
هو اخويا هو ابنك
هو ابويا هو عمك
هو صرخة ام كتمت
جرحها بعمره الي راح
هتفضل روحه حارسه لينا
ونبتدي الفجر الجديد
افرحي بابنك يا بلدي
داليوم ده هوه في عيد
انتي حبه وراضي ربه
هو ده يبقي الشهيد
