حياتي اليوم صحيفة إلكترونية يومية
علشان تعرف نفسك لازم تعرف انت معاك اى صنف منها وانت شايفه فعلا وبتغذيه ولا بتقاومه! لو وداك فى طريق مش على هواك ! جوانا ٣ انواع من النفس بتصارعوا جواك وانت وشاطرتك هتكون مع مين فيهم !
أولها النفس الأمارة بالسوء
كقول الله عز وجل (وَمَا أُبَرِّئُ نَفْسِي ۚ إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي ۚ إِنَّ رَبِّي غَفُورٌ رَّحِيمٌ) (سورة يوسف٥٣)
النفس الأمارة بالسوء هى أخبث أنواع النفس وهى اللى بتزين للإنسان المعاصى وبتشجعه عليها ولا تخاف الله !
بتوقع صاحبها فى معاصى وبتدفعه للخطأ ومعظم أصحاب النفوس دى من المفسدين فى الأرض وبتدفعه لأرتكاب الذنوب اللى أضرارها على القلوب زى السموم!
وكتير من الناس بتوسوس له نفسه الأمارة بالسوء وبيستمع لها وينساق وراها وبتخليه يتساهل فى أرتكاب المعاصى وبيظن أنه طالما بيؤدى اركان الإسلام وفرائضه أنه كده الأمر بقى سهل وإن الله غفور رحيم وده غلط !
لان الله شديد العقاب لمن عصاه كقوله عز وجل (اعْلَمُوا أَنَّ اللَّهَ شَدِيدُ الْعِقَابِ وَأَنَّ اللَّهَ غَفُورٌ رَّحِيمٌ ) المائدة آيه ٩٨
ربنا خلقنا وهو يعلم ما فى نفوسنا وايه اللى بيصلحها وايه اللى بيفسدها …
كقوله عز وجل
(وَنَفْسٍ وَمَا سَوَّاهَا ﴿٧﴾ فَأَلْهَمَهَا فُجُورَهَا وَتَقْوَاهَا ﴿٨﴾ قَدْ أَفْلَحَ مَن زَكَّاهَا ﴿٩﴾ وَقَدْ خَابَ مَن دَسَّاهَا ﴿١٠﴾ سورة الشمس ٧-١٠)
علشان كده ربنا خلقنا وخلق معانا طرق ومجالات كتيرة لمجاهدة النفس وتقوية الصلة بينا وبينه وأنزل علينا القرآن وبعث رسوله ( صلوات الله عليه ) ليبلغنا ويعلمنا …. وادانا العقل وعلينا نفكر ونعرف أيه اللى هيحلى نفوسنا ويقوى قلوبنا…..
ادعوا معايا ….وفى دعائى شفائى*
اللهم آت نفسى تقواها وزكها أنت خير من زكاها أنت وليها ومولاها.
