حياتي اليوم صحيفة إلكترونية يومية
كل واحد مخلوق فى الدنيا وله حق موهوب من الله سبحانه وتعالى …ولكن نحن البشر بنظلم بعضنا وبنتعدى على حقوق غيرنا !
اصعب شعور ممكن تحسه أو تعيش فيه هو انك تظلم حد وتتعدى على حقوقه ومصالحه أو تتظلم من غيرك ويتعدى هو على حقوقك !
وده القانون بيحكمه لاسترداد الحقوق واحياناً لا ترد الحقوق !
اوقات الشعور بالظلم بيخلى الناس من غير ما تحس تظلم نفسها ..لما الانسان يبدا يتخلى عن مسؤوليته فى الحياة ويرضى بالواقع الظالم والمنحرف من غير ما يدور عن خيارات للخلاص منه !
الدنيا هى محصلة للناس اللى ظلموا أنفسهم وتركوها للشهوات ولعبة المصالح والنفاق والرياء ونسوا عبادة الله واقامة عدله
كقوله عز وجل
(إِنَّ اللَّهَ لَا يَظْلِمُ النَّاسَ شَيْئًا وَلَٰكِنَّ النَّاسَ أَنفُسَهُمْ يَظْلِمُونَ )سورة يونس ٤٤
فازاى بعد ما ربنا كرم نفوسنا …نروح نشوه معالمها متعمدين زى اللى بيقتل نفسه وبيجرحها وبيضيع كل الحاجات الحلوه اللى جواه وامكانياته وبيضيع على نفسه انها تكسب الثواب
كقوله عز وجل
(وَدَخَلَ جَنَّتَهُ وَهُوَ ظَالِمٌ لِّنَفسه )سورة الكهف ٣٥
النفس الانسانية بتنقسم لقسمين :-
نفس تشتهى ونفس ترضى بالفطرة
وده بيدخلك فى صراع جوه نفسك!
بين نفسك اللى بتقولك تعمل شئ فطرى !
وبين النفس اللى بتشتهى الشهوات وبتحب تستحوز على حاجات تانية فى الحياة !
الصراع ده بيوصلك لجدل بينك وبين نفسك وتبدا تفتكر انك نسيت نفسك وتهاونت فى حقوقها ….فلا تكونوا زى اللى ربنا ذكرهم فى قوله عز وجل
(نَسُوا اللَّهَ فَأَنسَاهُمْ أَنفُسَهُمْ)سورة الحشر ١٩
ظلم النفس هو اساءة للنفس ..وبتفضل عايش فاكر انك قدمت لنفسك الخير وتلاقى ده انقلب لشر وظلم !
فالنسيان اما بيكون عن تعمد وجهل وغفلة !
او عن سيطرة على ارادة العقل !
وكل ده بيدمر انسانية الانسان ..
(ادعو معايا ….وفى دعائى شفائى )
اللهم انى ظلمت نفسى كثيراً …فاغفر لى مغفرة من عندك وارحمنى انك انت الغفور الرحيم ..
اللهم اقهر مَن أرادني بسوء أو عدواً ظلمني وأعطني من كرمك ما أسر به في كربة الدنيا والآخرة .
