حياتي اليوم صحيفة إلكترونية يومية
متعشم ف الناس بزياده
وبتعشق ف قلوب مش باقيه
بتجامل جدا وتعامل
مش خايف يمكن يوم منهم
قلبك بيدور زي الساقية
الحكمه ف انك يوم مـَ بتعشق
ف قلوبهم
تفكيرك كله بيتركز
على انك مش عايز غيرها
وبتلضم روحك وتكشر
لو قلبك يوم بـَص لغيرها
القصه اساسـا تفسيرها
انك متعشم بزياده
سطًـح ف علاقتك بالتدريج
ده لان الحب اصلا عاده !
ميهمش مين فيهم رايح
ولا مين سايبك ولا اتبقى
لو حد ف يوم سألك – فارق؟
ردك هيكون " طبعا لأ " !
————
عبدالرحمن صبري
(مشروع كُتاب)