الأربعاء , 14 أبريل 2021
الرئيسية / ثقافتي / د. إيمان معاذ تكتب: إعتذار للحبيب المصطفى

د. إيمان معاذ تكتب: إعتذار للحبيب المصطفى

= 4710

كنت حاسه انى مدينة بإعتذار
كنت باسجد .. بين إيدين ربى
وأبكى .. ليل نهار

ابكى أمة .. قتلها خوفها
واستكانت .. للتتار

أمة حادت عن طريق ..
بالنفيس .. شقيته ليها

واستعانت بالصديق ..
اللى سن السيف عليها

أمة تاهت .. واستباحت ..
المعاصى .. والحقوق

أمة …. كان لازم تفوق

يا محمد … 😢😢😢
يا أحب الناس .. لربك

الصور .. ماكانتش صورتك
دى .. صورتنا

اللى رسموها ما كانوا يعرفوك
بس كانوا .. يعرفونا .. صوَرونا
جسدونا فى أعلا رمز .. من رموزنا

يا حبيبنا .. ياللى ما فى الدنيا زيك
اللى لازم .. يعتذر لك

مش غريب .. شوه فى صورتك
اللى خارج من بطون الكفر ..
مش لازم يحبك

رغم العدد .. رغم الكنوز
والسنة .. والنور من كتابك

عجزت أيدينا .. ومديناها
للى ما يسوى .. مداسك

هو ده شعبك وناسك ..
اللى لازم يعتذر لك

الصور .. ماكانتش صورتك
الصور .. من حقنا
صفعة قلم .. على وشنا

رسالة واضحة .. تقول لنا ..
إعلامنا للعالم .. رديئ

مهما قولنا .. أو قاطعنا
عمر شيئ .. ما هيمحى عارنا
غير نجاحنا .. ع الطريق

الصور ماكانتش صورتك
هم بس …. صورونا
عرفوا حق …. يوجعونا

جسدونا فى أعلا رمز .. من رموزنا
يا حبيبنا .. يا رسولنا .. يا محمد 🥀

شاهد أيضاً

“نهى هنو” تكتب: موكب المومياوات ..لوحة فنية متكاملة

عدد المشاهدات = 7102 لوحة فنية متكاملة أتقن صانعيها كل تفاصيلها بحب و تفانى و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: