الأربعاء , 1 ديسمبر 2021
الرئيسية / مشروع كُتاب / ابراهيم على‬ يكتب: ‏وجع بنت‬!

ابراهيم على‬ يكتب: ‏وجع بنت‬!

= 46081

مشروع كتاب


ارتباطهم كان مجرد
شىء روتينى لاى شاب
شاب قرر انو يضحك
راح ممثل انو حب

كان ممثل دور حبيبها
حبه حبه وراح سايبها
هى كات افضل ميزاته
هو كان داخل ف عيبها

هى حبت.هو ساب
كان مواعد ثم غاب
هى كات دايباله دوب
هو عمره ف يوم ماداب

والنهايه كات حزينه
هى كات فعلا امينه
هو كان واطى وجبان
او بمعنى اصح يمكن
الرجال مالهاش امان

اللى طنش واللى سافر
واللى لجل الغربه عافر
واللى بايع واللى خان
اللى يمكن يبقى طيب
اللى دايما كان قريب
واللى فيه حتة حنان

هو كان انسان انانى
حب يعرف حد تانى
مش بتفرق عنده هى
ولا يعنى ازاى تعيش
عادى يعنى يومين وتنسى
بنت تافهه وماتساوييش

حُبها كان ماشى عكسى
مع زيادة كرهه ليها
دمعها كان ماشى طردى
مع الام الذكرى فيها

بنت حبت شخص خانها
مين ف بعده هايحتويها
مين يطبطب مين يدادى؟
مين يفكر انو عادى
مين يحس بواحده يمكن
كل يوم تفضل تنادى

جوا منها كلام كتير
الدموع ماليه السرير
والفراق اصبح نصيبها
بنت كان مكتوب عليها
انها تفارق حبيبها

شاهد أيضاً

الحد الأدني والحد الأقصي..‏ياسمين الملاح‬

عدد المشاهدات = 17965   ما يطلبه الشعب الآن هو تطبيق الحد الادني والحد الاقصي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: