حياتي اليوم صحيفة إلكترونية يومية
مفيش حاجه اسمها حد مضمون طول العمر..
واللى تحطه فى مقام الأخ أو الاخت مش دايما هيكون على قد الظن العشرة والعيش والملح مش ضمان لحد والخير اللى بتعمله ممكن يكون هو نفسه سبب وجعك
فانت محتاج تمسك أعصابك جدًا وانت بتشوف ناس معيّنة بتتدعي المثالية وهما أكتر ناس اتسببوا ليك في أذى بسبب قلة أصلهم .
محتاج تمسك أعصابك أكتر وانت بتشوف ناس بتوعظ في غيرهم وانت اصلاً ممكن تكتب عليهم كُتب في ندالتهم.
محتاج تتصالح مع فكرة إن العالم مكان أغلبه نفاق لأنك مش هتعرف تغير العالم.. بس كل اللي في إيديك حاجتين.. متبقاش منافق زيّهم.. وتبني لنفسك عالم موازي، مهما كان صغير ما يدخلش حدوده غير الصادق.
مش كل الناس بتقدر.. ومش كل الناس عندها نقاء قلبك.. ومش شرط اللي ربنا بعده عنك يبقى شر ليك.. ممكن تكون انت الخير اللي هو ما يستحقهوش…
يكفى لروحك الراحة والسعادة انك وسط كل ذلك التلوث مازلت انسان نضيف!
