حياتي اليوم صحيفة إلكترونية يومية
(شعر غنائي للأطفال)
بافرح والعب انا وبطير
ازقزق واجرى مع العصافير
وكل حياتى حربر ف حرير
باقول للهم يا عم اتلم
راح انسى الغم وهاعمل عيد
ياسم يا سم دا شكله يغم
ماليش ف الهم ولا التنكيد
يلا نزقطط وبنتنطط
كل ما فينا هيبقى سعيد
انا كتكوتة وصغنطوتة
اصوصو واجرى مع الكتاكيت
انا امورة وكمان شطورة
ارتب اوضتى جوا البيت
وف مدرستى ابقى الاولى
وكل اصحابى انا حبيت
قلبى صغير ما بيتغير
ابيض صافى يحب الخير
اساعد مامتي اساعد اختي
ولا انساش اساعد الغير
اصلى فرضى وارضى ربى
واحب بلادى حب كبير
انا كتكوتة وصغنطوتة
اصوصو واجرى مع الكتاكيت
