بعدك الخوف مبينتهيش
بتمنى لو معاك فى قبرك أعيش
حبيتك حب بقى في حياتي عاده
وبعدك إختفت من حياتى السعاده
إنت اللى روحى فداه
وانت اللى أتمنى لو للحظه ألقاه
يا اللى إنتهت بعده بالنسبه لى الحياه
إنت الحب الوحيد بحياتى ومستحيل هنساه
إنت راجلى إنت سندى إنت ليا بعد ربى
إنت روحى داويت جروحى إنت ملكى على عرشى
يا اللى سكنت الروح
مبقاش ليا بعدك غير الجروح
اللى مش عارفه بعدك أداويها
تعالى زى زمان طبطب عليها
وحشتنى أوى حنيتك
نظره عنيك وبسمتك
ملحقتش أشاركك فى دنيتك
وبتمنى أشاركك فى أخرتك
ست سنين مستنيه اللحظه اللى هتجمعنى بيك
انا بيك انا ليك يا اللى مشيت وروحى فيك
عشت معاك 11شهر
كانو بالنسبة لى كل الدهر
صحيح أنا العروسة الأرملة
بس يكفينى لحظه فى حضنك يا حته سكره
عيد جوازنا الشهر ده يا حبيبى
فى الأربعين بتاعك يا رب راح طبيبى
صبرنى شاعله نارى محدش غيره يطفى لهيبى
آه يا نارى آه يا عذابى
خسرت دنيتى فقدت كل أحبابى
آه يا مرارى ويا عذاب سنينى
أعمل ايه فى إشتياقى وحنينى
يا رب صبرنى
على فراقه قدرنى
وهو عايش كنت أحلم بيه وأصحى ألاقيه جمبى
دلوقتى مش كل يوم هلاقيه يا رب إرحم حبى
كل حاجه فيا بتصرخ بأعلى صوت بعده مكتوم صوتى
أخر حاجه طرقت على بالى الموت يا رب إرحم سكوتى
الكلاب اللى كانو قالبين فران فى وجوده
دلوقتى بقت بتنبح بأعلى صوتها بعد موته
نسيو إنى سلاحى حسبى الله ونعم الوكيل بشق طريقى بيه
وده اللى حبه حبيبى فيا إتكالى على الله ربه اللى بيطمن بيه
إطمن يا حبيبى ومتخفش عليا
أنا معايا ربنا مش وحدانيه
اللى جمعنا طمنك عليا بيك فى الدنيا وعيشك جوايا
وهو القادر يطمنك عليا فى الأخره بوجوده معايا
قادر يجمع أرواحنا وينزل علينا رحماته
هو أرحم بينا من نفسنا ورحيم بكل عباده