حياتي اليوم صحيفة إلكترونية يومية
مانيش هيه
ولا فيها منى
ولا فيا منها ولا حاجة
ومش مضطره افسر لك
ولا حاجة
ولو محتاجة ..
هاكون محتاجة بس
اناديك
واقولك ع اللى جوايا
اقول شارية لون الضى فى عيونك
بلونهم اللى متحنى … بلون البن
و من غيرهم … هاكون محتاجة استفسر
هو الدنيا من غيرك تكون حاجة؟
ساعتها قلبى يعزف لك بدقاته ويقولك
وجود الدنيا فى وجودك تكون حاجة ولا احلى
ولو بالعكس … تكون الدنيا ما تساوى
ولا حاجة
