حياتي اليوم صحيفة إلكترونية يومية
بعد يوم طويل من الغم، وخوفى على شعبى من سفك الدم
حطيت راسى على مخدتى
وقلت ياريت أنام ماقومش وأنسى دنيتى
بس رجعت زعلت منى
وقلت هتسيبى بنتك من غير أم وتبقى يتيمه
وحالها يحزن ويغم قلت مايمكن تلاقى من بعدى
ألف حضن يطبطب ويضم
قلتلى طب هو فى حضن فى الدنيا زى حضن الأم
قلت أنا أخاف عليها من حضنى لا يسقيها هم وحزن،
الدفا جوايا بقى تلاجة وهاتيجى منين السعادة
وأنا كل حتة فيا مليانة حزن
وأروح من الحزن فين
وأنا شايفه ولادى بيقطعونى مستعجلين على موتى
وفى قلبى بسكاكين بيرمونى وفى الحيرة حطونى
وفى قلب النار لوحدى سابونى
وأنا اللى من سبع تلاف سنة من خيري وحبى أديهم
وهما منهم بيحرمونى
