حياتي اليوم صحيفة إلكترونية يومية
الشاب علي مبروك
الشاب إسمه على
والتهمه إنه معاق
الدم فينا غلى
يادوله عايزه نفاق
هيروح لمين الولد
لغيرك تكون أمه
ومين يكون السند
ومين يشيل همه
كفايه المرض هده
والآهه مش بتنام
جاهد ومين أده
كمل حياته علام
لكن سنين الجفا
حطت على الأحلام
ويجيب منين الوفا
والغدر فى الأيام
معاق وطالب يشتغل
أحسن من الحوجه
ومين هيزرع الأمل
والدفه معووجه
ليه الغلابه تموت
من القهر والحرمان
قطر الحياه بيفوت
وإحنا هنا القضبان
