الجمعة , 29 مارس 2024

يارا الهادي تكتب: الراجل اللي ملوش كرش!

= 1478


ايها الرجال ..انتوا مصدقين المثل اللي بيقول "الراجل اللي ملوش كرش كرش ميسواش قرش''!؟

انا ممكن اسامح اى راجل متجوز اهو طلع له كرش عشان بياكل زى البطه البلدى يعنى لكن تكون مثلا راجل رياضى أو شاب متنيل على عينك ومتزوجتش وعندك كرش زى الست الحامل في 5 شهور ليه يابنى كده ها ليه , ليه بس , عاوزة افهم .

زى مافى معايير للانوثة والجمال لازم بقى في معايير للرجال الحلوويين يعنى تعال على نفسك روح الجيم واجرى ونط الحبل اى حاجه ان شاء الله تتشعلق في باب بيتكم أو تشنق نفسك اهى كلها رياضية يعنى .

يعنى الست تبقى ماشيه مع جوزها تبقى هي حامل وأنت حامل بردو !! ليه كده ?

أوعى تصدق المثل اللى بيقول "الراجل اللى ملهوش كرش ميسواش قرش ".. أكيد اللى قال المثل دا كان واحد شبه فرس النهر وموش عارف يبرر الكرش اللى عندوا سبابه ايه .

بلاش تأكل وكل حواسك في الطبق يعنى اتكلم شوية وكل براحه واتنفس والعب.. وجبات الغداء تلات موش تسعه.. وبعد الاكل مفيش حاجه اسمها حلويات.. يعنى اتمشى شوية وبعدين ارجع كمل .

على فكرة كل الكلام دا عشان صحتك مش عشان المدام.. أصلا الصراحة هي انيل منك جاتكم نيله انتو الاتنين !!

شاهد أيضاً

عندما يتوقف المطر … بقلم: مريم الشكيلية – سلطنة عُمان

عدد المشاهدات = 6514 عندما التقيتك أول مرة في ذاك اليوم الربيعي الهادئ على الجانب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.