حياتي اليوم صحيفة إلكترونية يومية
صباخ الخير ياغلابه
صباح المش ويا الفول
صباح معجون بطيابه
ومتغمـز بحلـو القول
صباح صحانا من بدرى
عشان نلحق ياخويا رغيف
ومن جوعنا نقوم نجرى
على اللقمه على المصاريف
أصحى الواد عشان يفطر
وقول يابت قومى قوام
يقـوم الحـلو يتمخطـر
وحتى البت عامله مدام
أطـلع غلبى فى مراتى
وقول ياوليه وشك شوم
من يوم مادخلتى فى حياتى
وأنا شايل ديون وهموم
تـرد تقـولى يا مـنيــل
أنا شمعه ونور البيـت
كفايه بختى أنا مـيـل
قبلـت بالفقير ورضيت
أغيـر خلقتى وأضـحك
وأقـول ياواد عــديـهـا
وهى تقولى راح أصالحك
بحـلة محـشى أسويها
أيدك بقى على عشره جنيه
أروح أشـتـرى كـرنـبـــــــــه
وأعمـل فيها مـرات البيـــــه
وأتمخـطر كمــــا البـمـــبـه
أكـتم غيظى فـى إجـنابـى
وقول ياوليه كـرنبــة أيـــــه
المـش والــدود أحـبـابــــى
وليـه بقـى الكـبـر دا لـيــــه
