حياتي اليوم صحيفة إلكترونية يومية
—
حاجات بتحصلنا أو بتبقى جوانا و عاوزين نقبلها ونقبل أنها حصلت ومش عارفين !
نقبلها …مش معناه أنى أوافق على وجودها أو حتى أرضى أو أستسلم لوجودها ….
أقبلها يعنى أفهم هى جوايا ليه ! وظهرت ليه ! واقرب منها..
كل حاجة موجودة علشان تحمى حاجات تانية ماكنش مسموح لها بالظهور ولما أنت قبلت الوحش سمحت للحلو أنه يظهر …
لما تفهم هتوصل للقبول …وهتحس بالأمان وأنك قادر تخدم الآخرين من غير ما تحس بالتضحية من غير ما تمن…وهتسمح لنفسك تكون هين ..مرن ..وعلى طبيعتك …
هتتخلى عن قول ( شوفت انا عملت علشانك ايه!)
وهيقل انتقادك للآخرين …
وهتستبدل كلمة “سيء” بـ “جيد” ..
وفى مستوى الحب هتقدر تتغاضى عن العيوب البسيطة ومش هتهتم بيها…
وممكن تحس بالمشاعر السلبية بتظهر تانى بس هتكون وقتها قادر تتعامل معاها…
هتقدر تصفح عن ماضيك وتشوف الهبة والحكمة من ان الأحداث التى كانت بتخليك تشعر بالغضب منها ..
هتقدر تقول بصدق ….أنا بخير ….!
