قالوا عم رمضان جانا يحلي ليالينا
دخل علينا بالهنا والفرح يسمع قلوبنا
دعوات توصل للسماء برضا ربنا علينا
والنقشبندى يقول مولاي حرك الخشوع جوانا
هاتوا ياولاد سلم نعلق الاماني والفرحه لينا
الخير بقدومك يزيد في ايدينا
فرحه الفوانيس تسعد امانينا
وتسمع تفسير الشعراوي وتذكر رب العباد في جمال نعمه علينا
يا عم رمضان وحشنا بلحك واكلك وحلوياتك
وحشنا الطبق الطلع نازل بخير يديم من رب العباد علينا
خيم رمضان وليالي رمضان في ماضينا
رمضان ضحكة بنوتة فرحتها في عنيها
وست الكل تقوم ترص الصواني وبحبها تجمعنا
يا سلام يا عم سيد على فولك ومكيا لك
الله على ريحه الحلو تجمع شمل البعيد معنا
يا سلام على الرغيف كبير مع طبق بيض على السحور
ولا طبق بسبوسه بالمكسرات مع عم خليل
وتدخل الكنافه تغير من قمر الدين في ايد عم حسين
و تسقف القطايف في بقك يا عم لطفي
ويجي المسحراتي عم مكاوي نادي اسامينا يفرح قلبه معانا
والعم صالح بيتصالح مع ناس ضد المصالح معانا
والعم ونيس بيتونس مع ام العيال بالقهوه
يا جمال العشرة الحلوة ولمه العيلة وعيله العيلة
وتسألي الشرق الأوسط مع اغاني رمضان
صواني العيد على رأس البنات بالكحك تغني لينا
وتغني الوقفة والله لسه بدري يا شهر الصيام
ليالي الحسين وحلويات الملكي وأيام الفيشاوي
والسيدة زينب وشوارع وسط البلد
وأم كلثوم تغني للعيد ويانا
رمضانك يا مصر معانا
أماني الروميسي تكتب: العم رمضان..!
عدد المشاهدات = 3002