ذكرك عطور بتفوح بإيمان
ملاك نبى ورسول إنسان
طيفك يهفهف فى الوجدان
ينادى صلوا على العدنان
اسمك حبيب ولروحى قريب
يشفى العليل والقلب يطيب
مبعوث ببركة وخير وإيمان
سلم وصلى على العدنان
سيرة مسيرة وجمال هندام
زى القمر والنور ألوان
مخلوق عطية من الرحمن
صلوا على طه العدنان
شفيع لأمة الإسلام
بالجنة وبعفو الرحمن
خير البرية وخير انام
صلوا على طه العدنان
كان يوم ميلادك هنا وسرور
ونقلنا من الضلمة للنور
و من الكفر برده للإيمان
سلم وصلى على العدنان
و حاربت ساعدوك الأنصار
على كل ظالم من الكفار
وتعبك ده تاج وفى كل مكان
صلوا على طه العدنان
كتلة مكارم مع أخلاق
قدوة وهداية من الخلاق
وفى كل وقت وكل زمان
نصلى على طه العدنان
والحب ليك ولآل البيت
شفاعة ودعاء للرب ياريت
ده الأمر من ربى الرحمن
صلوا على طه العدنان
لو مرة يظهر فى الأحلام
يملأ القلوب العامرة إيمان
و يا رب ازوره مرة كمان
فى الروضة ده حبيب الرحمن
يحسن ختامنا فى اى مكان
ويكون شفيعنا العدنان
وبايده الطاهرة من الحوض
يسقي شراب ما يكون محدود
وبأمر ربى الرحمن
صلوا على طه العدنان.
——————-
* كبير محررين مترجمين بالاذاعة والتلفزيون.