حياتي اليوم صحيفة إلكترونية يومية
كتبت: علياء الطوخي
وجه العديد من نجوم الفن رسائل دعم للفنان والمطرب والملحن رامي جمال , بعد ان نشر بوست علي الفيس بوك اليوم يعلن فيه إصابته بمرض البهاق, وانه يفكر جديا في اعتزال الفن.
حيث كتب رامي جمال بوست علي موقع التواصل الاجتماعي ” فيسبوك”, الحمد لله الذي احبني في ابتلاني واقدرني علي الصبر من فترة ظهرت بقع بيضا في جسمي وبالكشف عرفت انه #البهاق وجربت أنواع علاج كتير ودكاترة كتير ومفيش فايده رضيت وسلمت امري لله علشان عرفت ان الزعل بيزوده وكفاية شغلانتي وصعوبتها والقلق الدائم من المستقبل وفعلا بقي بيزيد لدرجه لفتت نظرناس كتير اللي بقي يقولي هتتعامل ازاي وانت فنان واللي يخاف يسلم واللي يسألني هو ده معدي انا بقالي سنه فعلا لو عندي حفلة او تصوير بتعب علي مااشوف طريقه أخفية بيها لدرجة خلت ناس تقوللي شوف بيزنس تاني اعمله علشان الناس مش هتقبلك كده فكرت في كلامهم بصراحة ولقيت ان عندي حلين يافعلا شكرا لحد كده علي الشغلانة دي رغم حبي ليها وعدم معرفتي بغيرها يااما مش هداريه تاني وتقبلوني بيه وترحموا كل اللي ربنا ابتلاهم بيه من نظره انو شكلو غريب الحمد لله علي نعمة الأهل لانهم الوحيدين اللي بيقبلوا الواحد زي ماهو طولت عليكم بس قلت أشرككم في حياة فنان .
وحرص العديد من نجوم الفن ان يوجه رسالة دعم ومؤازرة له ومنهم الشاعر تامر حسين , حيث كتب علي انستجرام” سلامتك يا رامي … حقيقة للي مايعرفش رامي علي المستوي الشخصي بني أدم مهذب ومحترم وذوق وصاحب صاحبه لينا مواقف كتير مع بعض محترمة وهو من أعز أصدقائي اللي في الوسط الفني … الناس حبوا ألحانك واغانيك وفنك وقلبك اللي بيطلع الحاجات الحلوة دي .. فامعتقدش ان في حد من اللي بيحبوك يهتم غير بجمال روحك وسيرة وأخلاق الباقي شكليات للسطحين فقط لا غير كمل ياروما وربنا يعافيك كلنا وراك وفضهرك وبالمناسبة عامل مع رامي 3أغاني منهم اتنين دراما وان شالله يعجبوكم جدا يالا يابطل مستني اشير البوست ونحتفل”.
وانضمت الفنانة إليسا لدعم رامي جمال حيث كتبت قائلة ” ممنوع تغيب وممنوع يكون البهاق عذر لغيابك … أنت بتقول ابتليت بالبهاق, بس مش سبب لتخاف وتغيب, في ناس ابتلت بالكذب والخيانة والسرقة وماهزت, وجودك أساسي ومتل ما إنت بتقول, أصل الحكاية مش حكاية شكل … حكاية روح”.
