حياتي اليوم صحيفة إلكترونية يومية
بقلم: أماني الروميسي
اوعى تنسى
وأنت راجع …..
اشتريلي قلب صافي كل حرف من حروفه تجمع قلوب
هاتلي معاك عروسه لعبه تنام معايا وتحسسني بالأمان
وأنت راجع……
اشتريلي ضحكه شايله طعم نوجه سكرها يحلي الأيام هاتلي توب ابيض بفرحه عروسه خلخالها يرن بعيد عن وقت الإذان
وأنت راجع….. اوعى تنسى
تعالى من الشارع اللي اتربينا فيه وأسمع صوت امي وهي بتنادي على اللي كان
واشتريلي صبح صافي بناس قلوبها تتوزن بميزان عشره الأيام
وأنت راجع…..
اشتريلي حزمه صبر تخضر قلوب بتتوجع من الحرمان
هاتلي ريشه الون بيها الأيام وامحي تعب الزمان
واشتريلي نحله عسلها يضيع طعم المر من اهل غدروا قبل الأوان
وأنت راجع……. اوعى تنسى
هاتلي براءه من طفل ضحكته تنسي زمن اتنسى فيه الأرحام
هاتلي حبيب يرجعلي بس مش في الأحلام
واشتريلي فرحه نجم بكر من دهب يستحمل صدى الأيام
وارسملي طريق كله أمان واجمع ذكرياتي في احلى صحبه
وأوعى تنسى……..
تشتريلي فستان وكعب عالي وهاتلي نجمه من السماء
وهاتلي معاك وأنت راجع برج حمام لما يطير الحمام يرجعلي بالنسيان
وحشتني اوي نفسي بتاعت زمان
أقولك…..
رجعني بنوته متشلش هم غير شرا الفستان.
